Einhverra hluta vegna er ég farin að skrifa "tha" í staðinn fyrir "the" á mörgum stöðum í ritgerðinni minni. Kannski þetta séu einhver rapp-áhrif. It´s tha Subta...
Annars er það helst að frétta að enn er ég að falla á tíma. Stressinu létti aðeins þegar leiðbeinandinn sagði "Allt í lagi, þannig verður það þá bara að vera" og hvatti mig til að gera nýtt tímaplan. Með tíma fyrir frí. Hann er nú ágætur, kallinn. Ég ætla samt að reyna að gera eins mikið og ég get áður en ég flýg til Íslands á miðvikudaginn. Þess vegna sit ég hér á föstudagskvöldi í miklu stuði að lesa um áhrif óeinsleitni í bakgrunnssegulsviði á segullómmyndir.
Tha Subta leiddi mig inn á heimasíðu hr. bix, þar sem heyra má nokkur tóndæmi. Til dæmis Hairdoctor og tvö lög með Daníel Ágúst. Annað þeirra minnir mig svolítið á Bone Machine plötuna með Tom Waits. Jæja, meira fjör...
Engin ummæli:
Skrifa ummæli